Кітай спадзяецца, што аўстралійскі бок будзе і далей ісці насустрач Кітаю, практычнымі дзеяннямі садзейнічаць развіццю адносін паміж дзвюма краінамі па правільным шляху. Пра гэта заявіла ў сераду афіцыйны прадстаўнік МЗС КНР Хуа Чуньін адносна выказванняў прэм'ер-міністра Аўстраліі Малкальма Тэрнбула пра палітыку ў дачыненні да Кітая.
Прэм'ер-міністр Аўстраліі Малкальм Тэрнбул заявіў у аўторак ва Універсітэце Новага Паўднёвага Уэльса, што аўстралійскі бок вітае незвычайныя поспехі, дасягнутыя Кітаем падчас правядзення палітыкі рэформаў і адкрытасці, станоўча ацэньвае ўклад, унесены этнічнымі кітайцамі і кітайскімі эмігрантамі ў грамадства Аўстраліі, а таксама разлічвае на ўмацаванне супрацоўніцтва з Кітаем у рэалізацыі ініцыятывы "Пояс і шлях".
Хуа Чуньін адзначыла, што кітайскі бок заўважыў пазітыўныя выказванні прэм'ер-міністра Аўстраліі адносна рэформаў і адкрытасці Кітая, а таксама адносін і прагматычнага супрацоўніцтва паміж дзвюма краінамі. "Мы гэта вельмі ўхваляем", - сказала яна.
Хуа Чуньін адзначыла, што Кітай і Аўстралія - важныя краіны ў Азіяцка-Ціхаакіянскім рэгіёне. Здаровае і стабільнае развіццё адносін паміж дзвюма краінамі адпавядае карэнным інтарэсам двух народаў і спрыяе міру, стабільнасці і росквіту ў рэгіёне і ў свеце ў цэлым.
"Спадзяемся, што аўстралійскі бок будзе і далей рабіць крокі насустрач Кітаю, прыкладаць вялікія намаганні для стымулявання ўзаемадаверу і супрацоўніцтва, а таксама практычнымі дзеяннямі садзейнічаць развіццю адносін паміж дзвюма краінамі па правільным шляху", - сказала дыпламат.