Пасольства КНР у Кеніі сёння пацвердзіла, што на папулярным у турыстаў возеры Найвашэ бегемот напаў на турыстаў, у выніку чаго адзін турыст з Тайваня загінуў, яшчэ адзін пацярпеў.
Паводле паведамленняў, турысты падвергліся нападу бегемота, калі фатаграфаваліся на беразе возера на тэрыторыі атэля "Lake Naivasha Sopa Resort". Адзін з іх атрымаў цяжкія траўмы і памёр у шпіталі, другі турыст пашкодзіў нагу і ўжо выпісаны пасля аказання дапамогі ў мясцовай медустанове.
Пасольства КНР у Кеніі надало павышаную ўвагу гэтаму інцыдэнту, адразу ж накіравала на месца здарэння супрацоўнікаў пасольства для высвятлення сітуацыі, запатрабавала ад адпаведных ведамстваў Кеніі прыкласці ўсе сілы для аказання дапамогі, а таксама праз турыстычнае агенцтва выказала спачуванне ў сувязі з гібеллю турыста і спачуванне пацярпеламу. - Р -