Канцылярыя Дзяржсавета КНР па справах Тайваня ў аўторак выступіла з заявай з нагоды нядаўняга падпісання ЗША законапраекта аб нацыянальнай абароне на 2019-ы фінансавы год.

Афіцыйны прадстаўнік канцылярыі Ма Сяагуан адзначыў, што адпаведныя міністэрствы Кітая, у тым ліку МЗС КНР, ужо выказалі пазіцыю кітайскага боку па гэтым пытанні.

Паводле яго слоў, тайваньскае пытанне тычыцца суверэнітэту і тэрытарыяльнай цэласнасці Кітая. «Мы рашуча выступаем супраць разгортвання ЗША афіцыйных кантактаў і ваенных сувязяў у любой форме з Тайванем, а таксама продажу зброі амерыканскім бокам Тайваню», -- падкрэсліў ён.

Ма Сяагуан адзначыў, што кітайскі бок заклікае ЗША не рэалізоўваць на практыцы негатыўныя палажэнні адносна Тайваня, якія ўтрымліваюцца ў гэтым законапраекце, каб не нанесці шкоду кітайска-амерыканскім адносінам, міру і стабільнасці ў Тайваньскім праліве.