Адказваючы на пытанне журналістаў, афіцыйны прадстаўнік МЗС КНР Лу Кан у сераду адзначыў, што Кітай вітае рашэнне КНДР і Рэспублікі Карэя аб правядзенні сустрэчы іх лідараў у верасні, спадзяецца на яе паспяховае правядзенне і разлічвае на дасягненне пазітыўных рашэнняў па выніках сустрэчы.

Яму было зададзена пытанне: 13 жніўня КНДР і РК правялі перамовы на высокім узроўні, на якіх бакі дамовіліся правесці сустрэчу лідараў дзвюх краін у верасні ў Пхеньяне. Як кітайскі бок пракаментуе будучую сустрэчу і чаго чакае ад яе?

Лу Кан адказаў, што Кітай вітае гэтае рашэнне і ўхваляе намаганні па дасягненні гэтых дамоўленасцей.

У якасці блізкага суседа Карэйскага паўвострава Кітай рады бачыць і гатовы падтрымліваць захаванне паміж поўначчу і поўднем паўвострава кантактаў і дыялогу, рэалізацыю Пханмунджомскай дэкларацыі ў імя прасоўвання прымірэння і супрацоўніцтва.

Ён выказаў упэўненасць, што паспяховае правядзенне сустрэчы і яе пазітыўныя вынікі будуць садзейнічаць падтрымцы працэсу дэнуклеарызацыі Карэйскага паўвострава і палітычнага ўрэгулявання яго праблемы.