Больш за 300 святароў з шасці дыяцэзій штата Пэнсыльванія абвінавачваюцца ў сэксуальных здзеках над дзецьмі. Аб гэтым паведамляецца ў дакладзе пашыранага складу прысяжных, апублікаваным Вярхоўным судом рэгіёна ў аўторак.
Генпракурор штата Джош Шапіра паведаміў на прэс-канферэнцыі, што на аснове царкоўных дакументаў высветлены асобы больш за 1000 пацярпелых дзяцей. Прысяжныя мяркуюць, што іх было больш.
Прысяжныя абвінавачваюць вышэйшае каталіцкае духавенства штата ў сістэматычным пакрывальніцтве падобных злачынстваў на працягу больш за 60 гадоў. Яно было больш зацікаўлена ў захаванні рэпутацыі Царквы і яе нядобрасумленных служыцеляў, чым у дапамозе ахвярам сексуальнага дамагання, гаворыцца ў дакуменце.
«Асноўная мэта – пазбегнуць скандалу», -- адзначаюць прысяжныя. - Р -