Кітай заклікае Японію правільна глыбока раскаяцца ў гісторыі сваёй агрэсіі, а таксама распачаць практычныя дзеянні, каб заваяваць давер суседніх азіяцкіх краін і міжнароднай супольнасці. Пра гэта заявіў у сераду афіцыйны прадстаўнік МЗС КНР Лу Кан, каменціруючы пазіцыю кітайскага боку ў дачыненні паднашэнняў храму Ясукуні, якія зрабіў прэм'ер-міністр Японіі Сіндза Абэ з нагоды капітуляцыі Японіі ў Другой сусветнай вайне. Лу Кан адзначыў, што Кітай звярнуў увагу на тое, што на дадзены момант ніхто з членаў кабінета міністраў Японіі не наведаў храм Ясукуні, і што прэм'ер-міністр Японіі накіраваў храму рытуальнае паднашэнне, і што некаторыя з парламентарыяў Японіі здзейснілі наведванне храма. "У храме Ясукуні захоўваюцца шыльды з імёнамі ваенных злачынцаў класу "А", якія мелі непасрэдную адказнасць за агрэсіўную вайну, і мы катэгарычна выступаем супраць памылковых учынкаў японскага боку", -- сказаў Лу Кан. Ён заклікаў Японію правільна глядзець і глыбока раскаяцца ў гісторыі сваёй агрэсіі, а таксама распачаць практычныя дзеянні, каб заваяваць давер суседніх азіяцкіх краін і міжнароднай супольнасці.