Сусветная канферэнцыя робататэхнікі адкрылася ў сераду ў кітайскай сталіцы. На цырымоніі адкрыцця прысутнічаў намеснік прэм'ера Дзяржсавета КНР Лю Хэ.
У сваім выступленні на цырымоніі Лю Хэ адзначыў, што робататэхніка з'яўляецца адной з найважнейшых галін навукова-тэхнічных трансфармацый, і што яна акажа глыбокі ўплыў на мадэлі вытворчасці і лад жыцця людзей.
Лю Хэ далей адзначыў, што ў цяперашні час у развіцці робататэхнікі з'явіліся некаторыя трэндавыя з'явы, такія як паскоранае развіццё робататэхнікі, глыбокая інтэграцыя робататэхнікі з інфармацыйнымі тэхналогіямі новага пакалення, пастаяннае пашырэнне сфер прымянення робататэхнікі і больш актыўнае міжнароднае ўзаемадзеянне.
Лю Хэ таксама паабяцаў актывізаваць падрыхтоўку кадравых работнікаў у гэтай галіне. Неабходна, паводле яго слоў, надаваць увагу праблемам, што датычацца маралі і этыкі, а таксама заканадаўчых і прававых нормаў у гэтай сферы.
Кітайскі ўрад накіруе намаганні на актывізацыю міжнароднага супрацоўніцтва ў развіцці робататэхнікі з тым, каб поруч супрацьстаяць агульным выклікам і пагрозам і стварыць супольнасць адзінага лёсу чалавецтва.