У панядзелак у інтэрв'ю агенцтву Рэйтэр прэзідэнт ЗША Дональд Трамп заявіў, што "хутчэй за ўсё" зноў сустрэнецца з вярхоўным лідарам КНДР Кім Чэн Ынам.

Паводле яго слоў, КНДР ужо спыніла ядзерныя выпрабаванні і выпрабаванні ракет. Ён выказаў упэўненасць у тым, што Пхеньян прыняў шэраг асаблівых мер для ажыццяўлення дэнуклеарызацыі Карэйскага паўвострава. Амерыканскі прэзідэнт таксама звярнуў увагу на тое, што ў яго "склаліся добрыя адносіны" з Кім Чэн Ынам.

Д. Трамп не прывёў дэталяў адносна таго, у якія тэрміны і ў якім месцы можа адбыцца новая сустрэча.

Газета КНДР "Надон cінмун» 18-га жніўня апублікавала каментар, заклікаўшы Д. Трампа ігнараваць унутраную апазіцыю і распачаць рашучыя крокі для паляпшэння адносінаў паміж Пхеньянам і Вашынгтонам.