Дзяржаўны дэпартамент ЗША 27 жніўня абвясціў, што ўведзеныя ЗША санкцыі ў дачыненні да Расіі ў сувязі са справай аб атручэнні былога расійскага супрацоўніка спецслужбаў у Вялікабрытаніі афіцыйна ўступаюць у сілу, прынятыя санкцыйныя меры будуць дзейнічаць не менш за год.
Памочнік дзяржсакратара ЗША па пытаннях міжнароднай бяспекі і нераспаўсюджвання Крыстафер Форд заявіў, што Дзярждэп ЗША "вызначыў, што ўрад Расійскай Федэрацыі ў парушэнне міжнароднага права прымяніў хімічную зброю або смяротную хімічную зброю супраць уласных грамадзян", таму ЗША прыпыняюць ўсю ўрадавую эканамічную дапамогу Расіі.
Дзярждэп ЗША абвясціў аб афіцыйным уступленні ў сілу антырасійскіх санкцый, і ў сувязі з гэтым пасольства Расіі ў ЗША праз сацсеткі абнародавала заяву, у якой адмовілася прыняць новыя варожыя, незаконныя і несправядлівыя санкцыі ЗША. Яно заявіла, што санкцыі не зменяць рашучасці прытрымлівацца ў міжнародных пытаннях самастойнага курсу, і Расія зможа вытрымаць беспадстаўны ціск з боку ЗША.