Злучаныя Штаты ў далейшым не маюць намер спыняць якія-небудзь ваенныя манеўры з Рэспублікай Карэя. Пра гэта паведаміў у аўторак на прэс-канферэнцыі міністр абароны ЗША Джэймс Мэціс.

Адмену Вашынгтонам цэлага шэрагу буйных манеўраў з РК кіраўнік Пентагона назваў праявай добрай волі па выніках сустрэчы лідараў ЗША і КНДР у Сінгапуры. На дадзены момант у Амерыкі няма планаў адмаўляцца ад іншых вучэнняў.

Дж. Мэціс адзначыў, што ЗША пакуль не прынялі рашэння па праграме сумесных манеўраў з РК у будучым годзе; яна будзе залежаць ад вынікаў перамоў. ЗША працягнуць цеснае супрацоўніцтва са сваімі саюзнікамі ў рэалізацыі рэзалюцыі СБ ААН пра санкцыі супраць КНДР.