Юрысконсульт Белага дома Дон Макган пойдзе са сваёй пасады восенню 2018 года. Пра гэта напісаў прэзідэнт ЗША Дональд Трамп у сваім Твітары.
Сенат правядзе галасаванне па зацвярджэнні кандыдатуры суддзі Брэта Кавана на пасаду ў Вярхоўным судзе ЗША. Неўзабаве пасля гэтага Д.Макган пакіне сваю пасаду. Амерыканскі лідар выказаў Д.Макгану ўдзячнасць за працу, але не назваў прычын адстаўкі і не паведаміў, хто заменіць яго на гэтай пасадзе.
Раней у жніўні амерыканскія СМІ паведамілі, што група па расследаванні меркаванага расійскага ўмяшальніцтва ў выбары ў ЗША на чале з пракурорам Робертам Мюлерам на працягу 30 гадзін дапытвала Д.Макгана. Апошні актыўна супрацоўнічае са следчымі. - Р -