Міністр замежных спраў Пакістана Шах Мехмуд Курэшы ў нядзелю выказаў занепакоенасць рашэннем Пентагона аб адмене вылучэння яго краіне 300 млн долараў дапамогі ў галіне бяспекі, заявіўшы пра гатоўнасць правесці кансультацыі па гэтым пытанні з дзяржаўным сакратаром ЗША Майклам Пампеем. Паводле інфармацыі СМІ са спасылкай на афіцыйнага прадстаўніка Міністэрства абароны ЗША, Вашынгтон прыняў рашэнне аб адмене дапамогі ў сувязі з тым, што Пакістан не прыняў "рашучых дзеянняў" у падтрымцы стратэгіі ЗША па Паўднёвай Азіі. Транш у 300 млн долараў -- толькі частка праграмы дапамогі, якой пазбаўляецца Ісламабад.
Ш.М.Курэшы на прэс-канферэнцыі назваў барацьбу з тэрарызмам агульным абавязкам Ісламабада і Вашынгтона, звярнуў увагу на вялікія ахвяры ў гэтай справе, якія нясуць сілы бяспекі Пакістана. Паводле яго слоў, адмененая праграма фінансавай падтрымкі – гэта не дапамога яго краіне, а кампенсацыя за страты, якія яна панесла падчас развязанай ЗША антытэрарыстычнай вайны.
Ш.М.Курэшы заявіў, што правядзе кансультацыі па гэтым пытанні з М.Пампеем і будзе імкнуцца палепшыць двухбаковыя адносіны. - Р -