У Пакістане адбыліся прэзідэнцкія выбары, на якіх з вялікім адрывам перамог кандыдат ад кіруючай партыі "Рух за справядлівасць" Арыф Алві.
За пасаду кіраўніка рэспублікі змагаліся тры кандыдаты. Прэзідэнт Пакістана абіраецца шляхам тайнага галасавання калегіяй выбаршчыкаў, якая складаецца з дэпутатаў ніжняй і верхняй палат федэральнага парламента, а таксама заканадаўчых сходаў чатырох правінцый краіны. Той, хто атрымаў простую большасць галасоў, і становіцца прэзідэнтам.
Як чакаецца, Выбарчая камісія Пакістана абвесціць афіцыйныя вынікі ў сераду. - Р -