Два амерыканскіх знішчальнікі F-22 у аўторак перахапілі ля берагоў Аляскі два расійскіх бамбардзіроўшчыка. Пра гэта ў сераду паведамілі ваенныя ЗША.
Расійскія бамбардзіроўшчыкі Ту-95, якіх суправаджалі расійскія знішчальнікі Су-35, былі перахопленыя на захад ад берагоў Аляскі каля 10:00, адзначаецца ў заяве камандавання Паветрана-касмічнай абароны Паўночнай Амерыкі.
Расійскія ваенныя самалёты не ўвайшлі ў суверэнную паветраную прастору ЗША і Канады, удакладняецца ў заяве.