Страты мірнага насельніцтва ў выніку ўзброенага канфлікту ў Данбасе, які працягваецца звыш 4 гадоў, перавысілі 3 тысячы чалавек. Пра гэта паведаміла сёння прадстаўніцтва ААН ва Украіне.
У ААН дадалі, што баявыя дзеянні таксама прывялі да ранення больш за 9 тысяч грамадзянскіх асоб па абодва бакі ад 450-кіламетровай лініі судакранання.
У цэлым жа канфлікт у Данбасе закрануў жыцці звыш 3,4 млн чалавек. Усе яны не маюць нармальнага доступу да прадуктаў харчавання, вады, медыцынскай дапамогі, адукацыі.
Баявыя дзеянні на ўсходзе Украіны працягваюцца з красавіка 2014 года. 29 жніўня бягучага года ў рэгіёне было абвешчана чарговае перамір'е, аднак проціборствуючыя бакі пастаянна абвінавачваюць адно аднаго ў яго парушэнні.