У прэзідэнцкіх выбарах Ірландыі, якія пройдуць 26 кастрычніка, прымуць удзел шэсць кандыдатаў, у тым ліку дзеючы прэзідэнт Майкл Дзі Хігінс. Пра гэта паведамілі ірландскія СМІ.
Адзначаецца, у сераду завяршылася рэгістрацыя кандыдатаў на прэзідэнцкіх выбарах 2018 года. Сярод кандыдатаў дзве жанчыны; трое кандыдатаў-мужчын маюць вопыт у СМІ.
Прэзідэнт Ірландыі абіраецца большасцю галасоў, максімальная колькасць тэрмінаў яго паўнамоцтваў складае два тэрміны. У Ірландыі прэзідэнт -- у значнай меры цырыманіяльная пасада. - Р -