Колькасць ахвяр серыі магутных землятрусаў і цунамі ў інданэзійскай правінцыі Цэнтральны Сулавесі ўзрасла да 1763 чалавек па стане на нядзелю. Пра гэта паведаміў кар. Сіньхуа прэс-сакратар Нацыянальнага агенцтва па ліквідацыі наступстваў стыхійных бедстваў Інданэзіі Сутопа Пурва Нугроха.

Паводле яго слоў, большасць астанкаў былі выяўленыя ў адміністрацыйным цэнтры рэгіёна - горадзе Палу, раёнах Дангала, Сігі і Парыгі Маўнтонг, а таксама ў Пасанг Кау суседняй правінцыі Заходні Сулавесі.

Пошукава-выратавальная аперацыя павінна, па правілах, завяршыцца ў чацвер (пасля сямі дзён), аднак яе могуць падоўжыць на тры дні, пасля чаго пошукі ў меншых маштабах могуць працягвацца і далей па выніках кансультацый з органамі мясцовай адміністрацыі, паведаміў Сіньхуа Сутопа Пурва Нугроха.

Па словах чыноўніка, у агульнай колькасці 2632 чалавекі застаюцца ў бальніцы.