Афіцыйны прадстаўнік МЗС КНР Лу Кан сёння ў адказ на нядаўнюю заяву аднаго з лідараў ЗША аб тым, што Кітай, пераканаўшы тры дзяржавы Лацінскай Амерыкі "разарваць дыпламатычныя адносіны" з Тайванем, нібыта стварыў пагрозу стабільнасці ў раёне Тайваньскага праліва, адзначыў, што папрокі амерыканскага боку выдаюць чорнае за белае і змешваюць праўду з хлуснёй.

На чарговай ведамаснай прэс-канферэнцыі Лу Кан падкрэсліў, што ў свеце існуе толькі адзін Кітай, а Тайвань з'яўляецца неаддзельнай часткай Кітая. З гэтым згодна ўся сусветная супольнасць. Каля 40 гадоў таму, кіруючыся прынцыпам аднаго Кітая, ЗША ўстанавілі з КНР дыпламатычныя адносіны, а сёння, калі дакладна так жа паступаюць іншыя дзяржавы, дазваляюць сабе безадказныя заявы аж да самавольнага ўмяшання. Гэта пазбаўлена ўсякага здаровага сэнсу.

Лу Кан адзначыў, што за апошні час ЗША здзейснілі ў тайваньскім пытанні шэраг памылковых дзеянняў, уключаючы дазвол тайваньскаму лідару "праехаць" праз тэрыторыю ЗША і абнародаванне плана па продажы Тайваню зброі. Падобныя акцыі сур'ёзна парушаюць прынцып аднаго Кітая і палажэнні трох кітайска-амерыканскіх сумесных камюніке, наносяць шкоду кітайска-амерыканскім адносінам, а таксама міру і стабільнасці ў раёне Тайваньскага праліва.

Кітай заклікае амерыканскі бок выправіць дапушчаныя памылкі, дадаў Лу Кан.