Старшыня КНР Сі Цзіньпін накіраваў віншавальную тэлеграму на адрас новаабранага прэзідэнта В'етнама Нгуен Фу Чонга.

Сі Цзіньпін у тэлеграме адзначыў, што Кітай і В'етнам з'яўляюцца сябрамі і важнымі партнёрамі, паміж дзвюма краінамі захоўваецца даўняя традыцыйная дружба. Двухбаковыя адносіны няўхільна развіваюцца ў спрыяльным кірунку, бесперапынна актывізуецца абмен вопытам у галіне кіравання партыяй і дзяржавай, няспынна паглыбляецца дзелавое супрацоўніцтва ў розных галінах, што прынесла рэальную карысць народам абедзвюх краін.

Па словах кітайскага лідара, ён надае пільную ўвагу развіццю кітайска-в'етнамскіх адносін і гатовы сумесна з Нгуен Фу Чонгам вывесці адносіны ўсебаковага стратэгічнага супрацоўніцтва Кітая і В'етнама на новую прыступку развіцця. - Р -