Афіцыйны прадстаўнік МЗС Кітая Хуа Чуньін, каментуючы рашэнне ЗША аб адмове пасылаць высокапастаўленых чыноўнікаў для ўдзелу ў Кітайскім кірмашы, заявіла сёння, што словы і справы амерыканскага боку супярэчаць адзін аднаму, заблытваючы людзей. Сёння ў ходзе чарговай прэс-канферэнцыі адзін з журналістаў задаў пытанне, як кітайскі бок ацэньвае сітуацыю, калі Злучаныя Штаты, са слоў прадстаўніка амбасады ЗША ў КНР, не маюць намеру пасылаць высокапастаўленых чыноўнікаў для ўдзелу ў Кітайскім кірмашы, але пры гэтым дакараюць Кітай у несправядлівай гандлёвай практыцы і патрабуюць ад Кітая адкрыць рынак для амерыканскіх тавараў і паслуг?
Адказваючы на гэтае пытанне, Хуа Чуньін адзначыла, што ў амерыканскага боку, вядома ж, ёсць права вырашаць, прадстаўнікоў якога ўзроўню адпраўляць для ўдзелу ў кірмашы. Аднак ЗША, з аднаго боку, патрабуюць адкрыцця кітайскага рынку для сваіх тавараў і паслуг, а з другога, не жадаюць пасылаць сваіх прадстаўнікоў, хоць Кітай гасцінна расчыніў дзверы для візіцёраў з усяго свету. Падобныя словы і справы амерыканскага боку супярэчаць адзін аднаму, гэта цяжка вытлумачальна.