Украінская тэнісістка Эліна Світоліна выйграла Выніковы турнір WTA ў Сінгапуры, перайграўшы амерыканку Слоан Стывенс - 3:6, 6:2, 6:2.
Матч працягваўся 2 гадзіны 25 хвілін. Эліна дрэнна пачала сустрэчу і аддала першую сваю падачу, але затым вярнула барацьбу на корт і ўзяла два сэты запар. Світоліна менш памылялася (28 нявымушаных памылак супраць 44), лепш падавала (2-0 па эйсах і 1-2 па двайных памылках) і ўзяла шэсць падач суперніцы (Стывенс – тры).
За перамогу ўкраінская тэнісістка атрымала 2,36 млн долараў. Яна стала абсалютнай чэмпіёнкай, выйграўшы ўсе пяць матчаў у Сінгапуры – у гісторыі "WTA Finals" падобны вынік паказала толькі Серэна Уільямс у 2013-м годзе. Дзякуючы гэтай перамозе ўкраінка вернецца ў топ-5 рэйтынгу. - Р -