У ЗША пачалося галасаванне на прамежкавых выбарах 2018 года. Сёлета падчас выбараў цалкам пераабіраецца Палата прадстаўнікоў Кангрэса - 435 месцаў, а таксама на трэцюю частку абнаўляецца склад Сената - 35 сенатараў са 100. Акрамя таго, будуць абраныя губернатары 36 штатаў, 3 заморскіх тэрыторый, мэры Вашынгтона, Сан-Францыска, Чыкага і некаторых іншых буйных гарадоў, а таксама прадстаўнікі ў 87 з 99 заканадаўчых органаў штатаў. Найбольшую цікавасць выклікаюць выбары ў абедзве палаты Кангрэса - асноўная арэна суперніцтва Рэспубліканскай і Дэмакратычнай партый. Апытанні грамадскай думкі паказваюць, што ў гэтым годзе на прамежкавых выбарах чакаецца рэкордная яўка выбаршчыкаў.