Намеснік старшыні КНР Ван Цішань прысутнічаў на цырымоніі адкрыцця Інавацыйнага і эканамічнага форуму-2018 у Сінгапуры і выступіў на ёй з прамовай.

Ван Цішань заявіў, што ў цяперашні час сусветная палітыка і эканоміка перажываюць найбольш глыбокія з часу завяршэння халоднай вайны змены, сутыкаюцца са шматлікімі выклікамі, такімі як неабходнасць захавання стабільнасці і развіцця глабальнай эканомікі, дэмаграфічныя, кліматычныя змены. Ён адзначыў, што адказам на гэтыя выклікі павінна стаць настойлівае прасоўванне міру і развіцця, паважлівае стаўленне да выбару народамі краін свету ўласнага шляху, вырашэнне ўсіх рознагалоссяў шляхам кансультацый, паглыбленне інавацыйнага руху, трансфармацыі шляхоў развіцця.

Ван Цішань падкрэсліў, што Кітай мае намер сумесна з іншымі краінамі прасоўваць глабалізацыю эканомікі ў напрамку большай адкрытасці, талерантнасці, балансу, сумесна будаваць супольнасць адзінага лёсу чалавецтва.

Ван Цішань адзначыў, што Кітай мае намер пашырыць кансультацыі з амерыканскім бокам па розных пытаннях дзеля найхутчэйшага знаходжання прымальных для абодвух бакоў варыянтаў рашэння гандлёва-эканамічных праблем. - Р -