Французскі ўрад ля Трыўмфальнай аркі правёў урачыстую цырымонію з нагоды 100-годдзя з дня заканчэння Першай сусветнай вайны. Раніцай у Парыжы было пахмурна і дажджліва.

Амерыканскі віяланчэліст кітайскага паходжання Ма Ёё выступіў на плошчы ў форме зоркі ля Трыўмфальнай аркі, французскія школьнікі на французскай, англійскай, кітайскай і іншых мовах зачыталі апісанне ўдзелу салдат і рабочых у ваенных падзеях Першай сусветнай вайны.

Прэзідэнт Францыі Эмануэль Макрон, выступаючы на цырымоніі, заклікаў краіны памятаць горкія ўрокі гісторыі і ў пазбяганне паўтарэння трагедыі заўсёды ставіць мір на галоўнае месца.

На цырымоніі прысутнічалі канцлер Германіі Ангела Меркель, прэзідэнт ЗША Дональд Трамп, прэзідэнт Расіі Уладзімір Пуцін, лідары і высокапастаўленыя асобы з іншых краін.

Сёння па ініцыятыве Э. Макрона ў Парыжы адбыўся Парыжскі форум міру, нацэлены на садзейнічанне шматбаковаму супрацоўніцтву. У адпаведных мерапрыемствах з кітайскага боку прыняў удзел намеснік старшыні ПК УСНП Цзі Бінсюань.