Дзве панды прыбылі ў самую паўднёвую кітайскую правінцыю Хайнань з правінцыі Сычуань, стаўшы першымі пандамі, якія атабарыліся на трапічным востраве ў трапічным парку дзікай флоры і фаўны.
«Наведвальнікі хочуць убачыць панду, і ў нас была мара, каб у нашым парку жыла панда. Сёння яна, нарэшце, здзейснілася», - сказаў старшыня савета дырэктараў парку Шан Сяа. Новы дом панд у Хайкоу, адміністрацыйным цэнтры правінцыі Хайнань, падзелены на крытую зону і зону пад адкрытым небам, у ім ёсць сад з дэкаратыўнымі каменнымі горкамі, сажалкі і нават драўляныя крэслы. Паводле слоў дырэктара парку, павільён панд спраектаваны з улікам звычак панд, каб яны адчувалі сябе бліжэй да прыроды.
Панды пажывуць на востраве два гады, і калі ўсё будзе добра, яны застануцца тут на больш доўгі тэрмін. - Р -