Напярэдадні адкрыцця саміту G20 у Буэнас-Айрэсе пасол КНР у Вялікабрытаніі Лю Сяамін апублікаваў артыкул у брытанскім часопісе "Tatler", у якім падкрэсліў важнасць абароны мультылатэралізму і выступіў супраць пратэкцыянізму.
У артыкуле гаворыцца, што сёлета саміт G20 упершыню праводзіцца ў Паўднёвай Амерыцы. У цяперашні час эканамічная глабалізацыя сутыкаецца з выклікамі, пратэкцыянізм і ўнілатэралізм падымаюць галовы. Далейшае сусветнае развіццё прыкоўвае да сябе ўвагу ўсяго свету, і "Групе дваццаці" неабходна вырашыць гэта пытанне.
Лю Сяамін указаў на тры асноўныя ролі "Групы дваццаці": "галоўнае поле бітвы" для абароны мультылатэралізму, "галоўная платформа" ўмацавання эканамічнага і фінансавага кіравання і "галоўны канал" вырашэння праблем глабальнага развіцця.
Як заявіў дыпламат, Кітай і Вялікабрытанія павінны сумесна з іншымі членамі "Групы дваццаці" цвёрда супрацьстаяць пратэкцыянізму, рашуча абараняць сусветны эканамічны парадак і шматбаковую гандлёвую сістэму, адстойваць сумесныя інтарэсы чалавецтва і сумесна садзейнічаць эканамічнаму росквіту і стабільнасці ў свеце. - Р -