31-я канвойная флатылія ВМС Народна-вызваленчай арміі Кітая ў нядзелю пакінула порт горада Чжаньцзян паўднёвакітайскай правінцыі Гуандун і накіравалася ў Адэнскі заліў i тэрытарыяльныя воды Самалі, каб суправаджаць гандлёвыя судны.
У склад флатыліі ўваходзіць дэсантны карабель "Куньлуньшань", ракетны фрэгат "Сюйчан" і карабель забеспячэння "Ламаху"; апошнія два ўдзельнічаюць у падобнай місіі ўпершыню. На іх борце - больш за 700 афіцэраў і матросаў, некалькі дзясяткаў спецназаўцаў і тры верталёты.
Кітай удзельнічае ў забеспячэнні бяспекі суднаходства ў Адэнскім заліве і водах Самалі са снежня 2008 года. За мінулыя 10 гадоў караблі ВМС НВАК суправадзілі 6595 суднаў і выратавалі або аказалі дапамогу больш чым 60 кітайскім і замежным суднам. - Р -