Былы асабісты адвакат прэзідэнта ЗША Дональда Трампа Майкл Коэн сёння прысуджаны да трох гадоў турэмнага зняволення пасля прызнання віны ў шэрагу злачынстваў, у прыватнасці, у фінансавых махінацыях, ухіленні ад выплаты падаткаў і дачы ілжывых звестак Кангрэсу.
Абвінавачванне патрабавала "істотны тэрмін зняволення" для М. Коэна, а федэральны суддзя на Манхэтэне ў Нью-Ёрку прысудзіў яго да трох гадоў федэральнай турмы.
Адвакат М. Коэна прасіў не прыгаворваць яго падапечнага да зняволення.
Вынясенне прысуду рушыла ўслед за прызнаннем М. Коэнам віны па справе, прадстаўленай пракурорам паўднёвай акругі Нью-Ёрка, і супрацоўніцтвам з камандай спецыяльнага пракурора Роберта Мюлера ў сувязі з расследаваннем т. зв. умяшання Расіі ў амерыканскія выбары.