Фінансавы рэгулятар Германіі BaFin завяршыў расследаванне на прадмет парушэння правілаў аб разгалашэнні інфармацыі пры куплі акцый Daimler кітайскім аўтавытворцам Geely і прыняў рашэнне не ўжываць штрафныя санкцыі да кітайскай кампаніі. Пра гэта паведамілі ў суботу ў Geely.

Спасылаючыся на вынікі расследавання, у Geely заявілі, што кампанія строга выконвала законы і нарматыўныя акты Германіі пры куплі 9,7 працэнта акцый Daimler AG за 9,2 млрд долараў ЗША, і інфармацыя аб здзелцы была раскрытая дакладна і своечасова.

Кітайскі аўтавытворца дадаў, што ён супрацоўнічаў з BaFin падчас расследавання абставінаў здзелкі.

Пра сваё рашэнне правесці расследаванне на прадмет парушэння дзеючых у Германіі правілаў, якія рэгламентуюць разгалашэнне інфармацыі аб куплі акцый, BaFin абвясціў у лютым.