Прэзідэнт ЗША Дональд Трамп у сераду напісаў у «Твітэры», што яго краіна атрымала перамогу над экстрэмісцкай групіроўкай "Ісламская дзяржава" на тэрыторыі Сірыі. Ён таксама заявіў, што правядзенне ваенных аперацый супраць ІД -- адзіная мэта знаходжання ў Сірыі амерыканскага вайсковага кантынгенту.

Амерыканскія СМІ раней паведамілі, што адміністрацыя Д.Трампа можа вывесці войскі ЗША з Сірыі ў поўным складзе ў сувязі з тым, што краіна ўжо дамаглася перамогі над ІД. Зараз амерыканскі кантынгент у Сірыі налічвае каля 2000 вайскоўцаў. Міністр абароны Джэймс Мэціс і іншыя прадстаўнікі Пентагона адгаворвалі прэзідэнта ад вываду амерыканскіх сіл з Сірыі. Яны аргументавалі гэта тым, што такі крок прывядзе да ўзмацнення ў Сірыі ўплыву Расіі і Ірана. - Р -