Палата прадстаўнікоў ЗША ўхваліла ў чацвер праект часовага бюджэту, у які ўключаны выдаткі на будаўніцтва памежнай сцяны, абяцанай прэзідэнтам ЗША Дональдам Трампам. Аднак праект наўрад ці атрымае досыць галасоў у Сенаце.
Вынікі галасавання ў Палаце прадстаўнікоў паказваюць, што ў падтрымку законапраекта выказаліся 217 кангрэсменаў, 185 выступілі супраць. Праект адпраўлены ў верхнюю палату.
Як паведамілі, Сенат правядзе галасаванне па гэтым праекце ў пятніцу пасля паўдня па мясцовым часе.
Лідар дэмакратаў у Сенаце Кангрэса ЗША Чак Шумер сказаў журналістам у чацвер, што колькасць галасоў сенатараў за гэты законапраект не дасягне 60, што неабходна для яго прыняцця.