Прэзідэнт ЗША Дональд Трамп абвясціў аб прызначэнні першага намесніка міністра абароны Патрыка Шанахана выконваючым абавязкі кіраўніка Пентагона. П.Шанахан возьме на сябе функцыі в.а. міністра абароны з 1-га студзеня 2019 года, заявіў Д.Трамп у "Твітэры" ў нядзелю апоўдні.

"У Патрыка за плячыма вялікі паслужны спісак, ён шмат чаго дамогся на пасадзе намесніка міністра абароны і раней у кампаніі "Боінг", -- адзначыў прэзідэнт.

Гэта заява была зроблена пасля таго, як раней на мінулым тыдні Д. Трамп паведаміў, што міністар абароны ЗША Джэймс Мэціс сыдзе ў адстаўку ў канцы лютага наступнага года. - Р -