Як паведаміла сёння дзяржаўнае турэцкае агенцтва Анадолу, Турцыя адправіла ваеннае падмацаванне на мяжу з Сірыяй пасля таго, як Анкара і Вашынгтон дамовіліся аб цеснай каардынацыі дзеянняў у працэсе вываду з Сірыі амерыканскіх войскаў.
Паводле інфармацыі агенцтва, турэцкі ваенны канвой з гаўбіцамі і артылерыйскімі батарэямі прыбыў у прымежную зону правінцыі Кіліс на паўднёвым усходзе Турцыі. На поўначы Сірыі паблізу занятага курдамі горада Манбідж размешчаны падраздзяленні кантраляванай Турцыяй Сірыйскай свабоднай арміі / ССА /.
Дзесяткі грузавых пікапаў з байцамі ССА і кулямётамі знаходзіліся ноччу на маршы.
23 снежня прэзідэнт Турцыі Рэджэп Таіп Эрдаган і прэзідэнт ЗША Дональд Трамп у тэлефоннай размове дамовіліся аб забеспячэнні дыпламатычнай і ваеннай каардынацыі дзеянняў, каб не дапусціць вакууму ўлады пасля вываду з Сірыі амерыканскіх войскаў.