Значна знізіць падатковы цяжар кітайскіх грамадзян і іншаземцаў, якія працуюць у КНР, закліканы новыя законы, якія ўступаюць у сілу са студзеня. Адноўлены закон «Аб асабістым падаходным падатку» і «Часовыя меры па выліку з падаходнага падатку расходаў спецыяльнага прызначэння», палегчыўшы нагрузку на насельніцтва, будуць стымуляваць жыццяздольнасць рынку і прасоўванне высакаякаснага развіцця кітайскай эканомікі, заявілі 24 снежня ў Міністэрстве фінансаў і Галоўным дзяржаўным падатковым упраўленні КНР .

Сярод ключавых паправак - вызваленне ад асабістага падаходнага падатку пэўнай сумы расходаў, накіраваных на шэсць галоўных аспектаў жыцця насельніцтва - выдаткі на адукацыю дзяцей, адукацыю пасля ВНУ, лячэнне цяжкіх захворванняў, працэнты па жыллёвых крэдытах і выдаткі на арэнду жылля, а таксама сродкі, накіраваныя на дагляд за пажылымі людзьмі.

Падрабязнасці распавяла намеснік кіраўніка міністэрства фінансаў КНР Чэн Ліхуа. Раней падаходны падатак у Кітаі выплачваўся толькі фізічнымі асобамі з даходамі вышэй за 3500 юаняў у месяц. З 1 кастрычніка бягучага года ў падатковы закон унеслі папраўку, згодна з якой падаходны падатак плаціцца ў выпадку, калі заробак чалавека вышэй за 5000 юаняў (49 600 расійскіх рублёў, па стане на снежань 2018 г.). Увядзенне новага рэгламенту па выліку з ПДФА пэўных сум расходаў спецыяльнага прызначэння - ізноў радасная навіна для простых кітайцаў: яны атрымаюць больш рэальных падатковых ільгот, тлумачыць Чэн Ліхуа:

«У працэсе падатковага рэфармавання прыняты новыя меры, у прыватнасці – павелічэнне максімуму, які не абкладаецца падаходным падаткам; вызначэнне спецыяльных выдаткаў, вызваленых ад ПДФА; рэгуляванне і аптымізацыя структуры падатковых ставак, і іншыя. Усё гэта дасць магчымасць значна знізіць агульны аб'ём падаткаў, што ўтрыманы з насельніцтва. Пасля павелічэння неабкладаемага максімуму с3500 да 5000 юаняў у месяц з 1 кастрычніка гэтага года, аб'ём падаткаў грамадзяніна з даходамі ніжэй за 20 тыс. юаняў знізіўся на больш чым 50%. Акрамя таго, яшчэ большай колькасці насельніцтва ПДФА не трэба плаціць зусім ».

Для забеспячэння паспяховай рэалізацыі новай палітыкі падатковыя органы розных узроўняў прыступілі да распрацоўкі цэлага шэрагу мер па спрашчэнні падатковых працэдур і навучання супрацоўнікаў у мэтах павышэння іх кваліфікацыі і агульнай эфектыўнасці працы. Пра гэта распавяла намесніца кіраўніка Галоўнага дзяржаўнага падатковага ўпраўлення КНР Лю Ліцзянь:

«Мы зробім усё, каб даць падаткаплацельшчыкам больш выгод і льгот, у прыватнасці спрошчана падатковая працэдура. Падаткаплацельшчыкі ў адпаведнасці са сваім фінансавым становішчам могуць адразу атрымаць вылікі па падатковых плацяжах пасля падачы ў мясцовую падатковую адпаведных заявак. Акрамя таго, нават калі падаткаплацельшчыкі падаюць заяўкі не ва ўстаноўлены тэрмін, вылікі па падатковых плацяжах усё ж дзейнічаюць ».

Урад таксама надае асаблівую ўвагу жыхарам Сянгана, Аамэня і Тайваня. Працягваюць дзейнічаць правілы вызвалення ад падаткаў даходаў, якія за межамі мацерыковай часткі Кітая атрымліваюць жыхары гэтых рэгіёнаў, што не маюць свайго жылля. Для іх, удакладняе намеснік кіраўніка кітайскага Мінфіна Чэн Ліхуа, працэдура па афармленні вызвалення ад падаткаў таксама спрашчаецца:

«Усе замежнікі, якія працуюць на тэрыторыі КНР, а таксама жыхары Сянгана, Аамэня і Тайваня, без выключэння, могуць скарыстацца новай падатковай ільготай. Такія крокі будуць спрыяць павышэнню ступені адкрытасці і прыцягненню кваліфікаваных спецыялістаў з іншых краін ».

Новы рэгламент з'яўляецца важнай вяхой у гісторыі падатковага рэфармавання Кітая. З моманту яго запуску ў эксперыментальным рэжыме сабрана больш за 16 тыс. меркаванняў і прапаноў ад насельніцтва. Дакумент афіцыйна абнародуецца пасля ўважлівай карэкціроўкі.