"Мы гатовы з максімальнай шчырасцю прыкладаць максімум намаганняў да ажыццяўлення мірнага ўз'яднання Радзімы. Пры гэтым мы не можам даць абяцання адмовіцца ад прымянення сілы», -- заявіў у сераду старшыня КНР Сі Цзіньпін на сходзе з нагоды 40-годдзя апублікавання "Звароту да тайваньскіх суайчыннікаў".

Кітайцы не ваююць з кітайцамі, адзначыў Сі Цзіньпін. Паводле яго слоў, мірнае ўз'яднанне з'яўляецца найлепшым варыянтам для суайчыннікаў з абодвух берагоў Тайваньскага праліва і ўсёй нацыі. Мы не можам даць абяцання адмовіцца ад прымянення сілы і пакідаем за сабой магчымасць прыняць усе неабходныя меры. Гэта накіравана не на тайваньскіх суайчыннікаў, а на ўмяшальніцтва звонку, а таксама на нешматлікіх сепаратыстаў, якія выступаюць за незалежнасць Тайваня, і іх раскольніцкую дзейнасць, падкрэсліў Сі Цзіньпін.

Незалежнасць Тайваня ідзе супраць плыні гісторыі і вядзе ў тупік, адзначыў Сі Цзіньпін. Мы гатовы стварыць шырокую прастору для ажыццяўлення мірнага ўз'яднання, але не пакінем месца для раскольніцкіх спробаў дамагчыся незалежнасці Тайваня ў любой яе форме, адзначыў Сі Цзіньпін. - Р -