Кітай зрабіў Злучаным Штатам сур'ёзнае прадстаўленне ў сувязі з нядаўна зацверджаным законам, які заклікае да ўзмацнення афіцыйных кантактаў і ваенных сувязяў паміж ЗША і Тайванем. Пра гэта сёння заявіў прадстаўнік МЗС КНР Лу Кан.
Ініцыятыва па забеспячэнні бяспекі Азіі 2018 года была зацверджана 31 снежня прэзідэнтам ЗША Дональдам Трампам і атрымала законную сілу.
"Ініцыятыва сур'ёзна парушае прынцып аднаго Кітая і палажэнні трох сумесных кітайска-амерыканскіх камюніке, а таксама з'яўляецца адкрытым умяшаннем ва ўнутраныя справы Кітая", - заявіў Лу Кан.
На сходзе з нагоды 40-годдзя апублікавання "Зварота да тайваньскіх суайчыннікаў", які адбыўся ў Пекіне, старшыня КНР Сі Цзіньпін падкрэсліў, што тайваньскае пытанне тычыцца ўнутраных спраў Кітая, закранае ключавыя інтарэсы краіны і нацыянальныя пачуцці кітайскага народа і не трывае ўмяшання звонку , сказаў Лу Кан.
Прадстаўнік МЗС КНР заклікаў ЗША ўстрымацца ад адпаведных дзеянняў, разумна і належным чынам абыходзіцца з пытаннямі, якія датычацца Тайваня, каб пазбегнуць аказання негатыўнага ўплыву на кітайска-амерыканскія адносіны, а таксама на мір і стабільнасць паміж берагамі Тайваньскага заліва.