Землятрус магнітудай 6,5 адбыўся сёння раніцай у акваторыі правінцыі Паўночнае Малуку на ўсходзе Інданезіі. У цяперашні час інфармацыі аб пацярпелых і матэрыяльнай шкодзе няма.
Нацыянальнае ўпраўленне метэаралогіі, кліматалогіі і геафізікі Інданэзіі паведаміла, што землятрус адбыўся ў 00:27 па мясцовым часе. Эпіцэнтр штуршкоў знаходзіўся ў 146 км на паўночны захад ад павета Заходняя Хальмахера ў правінцыі Паўночнае Малуку, гіпацэнтр залягаў на глыбіні 10 км.
Геалагічная служба ЗША на сайце паведаміла, што землятрус дасягнуў магутнасці 7,0 балаў, а ў наступным абнаўленні заявіла аб 6,6 балах.
Нацыянальнае ўпраўленне метэаралогіі, кліматалогіі і геафізікі пакуль не паведамляла пра пагрозу цунамі.