Кітай сёння выказаў рашучы пратэст супраць уваходжання ваеннага карабля ЗША ў тэрытарыяльныя воды КНР дя астравоў Сіша і заклікаў амерыканскі бок неадкладна спыніць падобныя правакацыйныя дзеянні. Афіцыйны прадстаўнік МЗС КНР Лу Кан на штодзённым брыфінгу паведаміў, што ракетны эсмінец ВМС ЗША "Маккэмпбэл" увайшоў у тэрытарыяльныя воды Кітая без дазволу кітайскага ўрада. Кітай неадкладна накіраваў ваеннае судна і самалёт для ідэнтыфікацыі ваеннага карабля ЗША, зрабіў папярэджанне і запатрабаваў, каб той пакінуў раён. У сувязі з гэтым Кітай зрабіў сур'ёзнае прадстаўленне амерыканскаму боку, сказаў Лу Кан, адзначыўшы, што гэтыя дзеянні парушылі кітайскае і адпаведнае міжнароднае заканадаўства і нанеслі шкоду міру, бяспецы і парадку ў рэгіёне.
"Кітай рашуча выступае супраць і настойліва заклікае амерыканскі бок неадкладна спыніць падобныя правакацыйныя аперацыі", -- заявіў афіцыйны прадстаўнік МЗС КНР Лу Кан.
Адказваючы на пытанне аб магчымым уплыве падобных правакацыйных дзеянняў на бягучыя кітайска-амерыканскія гандлёвыя кансультацыі, Лу Кан сказаў, што рашэнне належным чынам розных праблем у адносінах паміж Кітаем і ЗША, уключаючы гандлёвыя пытанні, будзе выгадным як для абедзвюх краін, так і для ўсяго свету. "Абодва бакі павінны быць адказнымі за стварэнне спрыяльнай атмасферы для гэтага", -- дадаў Лу Кан. - Р -