Вывяржэнне вулкана адбылося на востраве Куцінаэрабу ў прэфектуры Кагасіма на паўднёвым захадзе Японіі.
Як паведамляе Японскае метэаралагічнае агенцтва, вывяржэнне зафіксавана сёння ў 09:19 па мясцовым часе. Мясцовым жыхарам і турыстам рэкамендавана захоўваць асцярожнасць і чакаць дадатковай інфармацыі. Па даных тэлеканала NHK, вывяржэнні на востраве адбываліся перыядычна з кастрычніка мінулага года, 18 снежня назіралася выбуховае вывяржэнне. Японскае метэаралагічнае агенцтва заклікала тых, хто знаходзіцца паблізу ад Куцінаэрабу, надаваць увагу далейшай вулканічнай актыўнасці ў гэтым раёне.