Старшыня КНР Сі Цзіньпін у чацвер накіраваў тэлеграму Феліксу Чысэкэдзі, павіншаваўшы яго з выбраннем і ўступленнем на пасаду прэзідэнта Дэмакратычнай Рэспублікі Конга. Ён у тэлеграме адзначыў, што ДРК з'яўляецца традыцыйна сяброўскай краінай КНР і яе важным партнёрам па супрацоўніцтве ў Афрыцы; абедзве краіны ўсталявалі стратэгічнае партнёрства, якое характарызуецца супрацоўніцтвам і агульным выйгрышам.
"Я, надаючы вялікую ўвагу развіццю адносін паміж КНР і ДРК, маю намер прыкласці сумесныя з Вамі намаганні для вывядзення двухбаковага супрацоўніцтва на новую прыступку на карысць дзвюх краін і іх народаў, выкарыстоўваючы магчымасць рэалізацыі вынікаў пекінскага саміту Форуму па кітайска-афрыканскім супрацоўніцтве", -- падкрэсліў Сі Цзіньпін у тэлеграме. - Р -