Па паведамленні супрацьпажарнай службы Бразіліі, па стане на першую палову дня 28 студзеня ахвярамі прарыву дамбы ў штаце Мінас-Жэрайс на паўднёвым усходзе Бразіліі сталі 60 чалавек, асобы 19 з іх устаноўлены. Яшчэ 292 чалавекі па-ранейшаму лічацца прапаўшымі без вестак.
Сёння ж сотні ваенных Бразіліі і выратавальныя атрады з іншых краін, забяспечаныя спецтэхнікай, накіраваліся ў раён бедства для аказання дапамогі. Прадстаўнік супрацьпажарнай службы штата Мінас-Жэрайс паведаміў, што з цягам часу шансы знайсці тых, хто выжыў, імкліва скарачаюцца, але "ўсе ратаўнікі па-ранейшаму робяць усё магчымае". - Р -