Старшыня КНР Сі Цзіньпін ў аўторак накіраваў прэзідэнту Філіпін Радрыга Дутэртэ тэлеграму са спачуваннямі ў сувязі з выбухамі ў філіпінскай правінцыі Сулу. Сі Цзіньпін ў тэлеграме заявіў, што ўзрушаны выбухамі ў Сулу, якія пацягнулі за сабой вялікія чалавечыя ахвяры. Ён ад імя ўрада і народа Кітая і ад сябе асабіста выказаў глыбокі смутак па загінуўшых і шчырае спачуванне пацярпелым і сваякам ахвяр.
Кіраўнік КНР падкрэсліў, што кітайскі бок рашуча выступае супраць тэрарызму ў любых формах, рэзка асуджае гвалтоўныя і тэрарыстычныя дзеянні. Ён выказаў гатоўнасць разам з Філіпінамі і міжнароднай супольнасцю весці барацьбу з тэрарызмам і абараняць мір і стабільнасць у рэгіёне і ва ўсім свеце. - Р -