У чацвер на цырымоніі ў Нацыянальным палацы Тэнгку Абдула быў прыведзены да прысягі ў якасці 16-га караля Малайзіі.
Т. Абдула прынёс прысягу і падпісаў дакументы ў прысутнасці іншых спадчынных кіраўнікоў краіны.
Да Т. Абдулы, кіраўніка малазійскага штата Паханг, далучыўся Султан штата Перак Назрын Муізуддзін Шах у якасці намесніка кіраўніка дзяржавы. Тэрмін яго паўнамоцтваў складзе пяць гадоў.
Раней на Парламенцкай плошчы адбылася вітальная цырымонія, на якой новы кіраўнік дзяржавы агледзеў ганаровую варту.
59-гадовы Тэнгку Абдула цікавіцца спортам і з'яўляецца членам Савета Федэрацыі футбола АСЕАН і членам савета ФІФА. Ён таксама займаў пасаду прэзідэнта Футбольнай асацыяцыі Малайзіі.
Т. Абдула быў прызначаны каралём пасля таго, як яго папярэднік султан Мухамад V ад штата Келантан 6 студзеня падаў у адстаўку.