Верталёт з віцэ-прэзідэнтам Нігерыі Емі Асінбаджа на борце здзейсніў аварыйную пасадку 2 лютага ў штаце Когі ў цэнтральнай частцы краіны. Усе, хто знаходзіўся на борце верталёта выжылі. Пра гэта паведаміў прэс-сакратар Е. Асінбаджа.

Прэс-сакратар віцэ-прэзідэнта Лаолу Акандэ пацвердзіў інфармацыю пра інцыдэнт на сваёй старонцы ў Твітары.

Е. Асінбаджа накіроўваўся ў штат для правядзення перадвыбарчай кампаніі. Выбары пройдуць 16 лютага.

"Верталёт віцэ-прэзідэнта Асінбаджа здзейсніў вымушаную пасадку ў Кабе, але ён і ўсе члены экіпажа засталіся цэлымі. Ён працягне свае справы, запланаваныя на дзень у штаце Когі", - сказаў Л. Акандэ.