Абарот прадпрыемстваў рознічнага гандлю і грамадскага харчавання ў Кітаі за час свята Вясны вырас на 8,5% у параўнанні з аналагічным паказчыкам мінулага года. З 4 па 10 лютага іх агульны аб'ём продажаў дасягнуў новага максімуму ў 1,01 трлн юаняў. Пра гэта стала вядома з заявы Міністэрства камерцыі КНР, апублікаванай на афіцыйным сайце ведамства.
Паводле даных міністэрства, кітайскія спажыўцы падчас святочных вакацый сталі надаваць больш увагі якасці прадукцыі, у сувязі з гэтым пачалі хутка расці продажы арганічных харчовых прадуктаў, "разумнай" бытавой тэхнікі і новых электронных прылад.
На працягу мінулага тыдня пастаўкі тавараў першай неабходнасці былі дастатковымі, і кошты ў цэлым паказалі стабільнасць, гаворыцца ў заяве ведамства. - Р -