МЗС Францыі ў панядзелак паведаміла, што пасол Францыі Крысціян Масэ, якога на днях адклікалі з Італіі, зараз праводзіць кансультацыі ў Францыі. Ён вернецца ў Рым "у зручны час".
7 лютага Францыя прыняла рашэнне адклікаць свайго амбасадара з Італіі ў знак пратэсту супраць сустрэчы віцэ-прэм'ера Італіі Луіджы Дзі Маё з прадстаўнікамі французскага руху "жоўтыя камізэлькі" і нядаўняй крытыкі высакапастаўленых чыноўнікаў Італіі на адрас урада і прэзідэнта Францыі. Францыя ўпершыню адклікала свайго амбасадара з Італіі пасля заканчэння Другой сусветнай вайны.
Пасля прыходу да ўлады новага ўрада Італіі ў чэрвені 2018 года адносіны паміж Францыяй і Італіяй становяцца ўсё больш напружанымі. Аналітыкі адзначаюць, што Францыя і Італія маюць доўгую гісторыю супрацоўніцтва і падтрымліваюць цесныя эканамічныя абмены, таму верагоднасць далейшага пагаршэння адносін невялікая. - Р -