Кітайскі аператар мабільнай сувязі "Чайна Тэлекам" і аператары аўтамагістраляў дамовіліся аб запуску першага ў краіне праекта па будаўніцтве "разумнай" хуткаснай аўтадарогі на базе тэхналогіі 5G у центральнакітайскай правінцыі Хубэй.
Згодна з паведамленнем, хубэйскі філіял "Чайна Тэлекам" плануе размясціць базавыя станцыі 5G на участках хуткасных аўтамагістраляў правінцыі для правядзення тэстаў на інтэлектуальных пунктах збору платы, а таксама падаць заяўку на тэсціраванне аўтаномнага кіравання з дапамогай 5G на мясцовых хуткасных дарогах. Бесправадная сетка пятага пакалення абяцае большую хуткасць, меншую затрымку ці "завісанне" пры падключэнні да сеткі, а таксама магчымасць падключэння шматлікіх прылад да Інтэрнэту, не перагружаючы сістэму.
Згодна са словамі аператара сеткі, аўтамагістраль на базе 5G дазволіць збіраць інфармацыю аб транспартным патоку ў рэальным часе і рабіць прагнозы на аснове вялікіх даных. Па стане на канец 2018 года ва Ухане -- адміністрацыйным цэнтры правінцыі Хубэй -- была пабудавана 31 базавая станцыя 5G. Сёлета "Чайна Мабайл" плануе выдаткаваць 1 млрд юаняў на будаўніцтва 2 тыс. базавых станцый у гэтай правінцыі. - Р -