Прэзідэнт ЗША Дональд Трамп плануе падпісаць законапраект аб фінансаванні ўрада, каб пазбегнуць чарговага "шатдаўна", але ўсё ж мае намер абвясціць надзвычайнае становішча ў краіне, каб атрымаць сродкі для даўно абяцанага будаўніцтва памежнай сцяны. Пра гэта ў чацвер заявіў лідар большасці ў Сенаце Мітч Маконал.
"У мяне была магчымасць пагаварыць з прэзідэнтам Трампам, і ён паказаў, што гатовы падпісаць законапраект. Ён таксама гатовы адначасова абвясціць надзвычайнае становішча ў краіне", -- сказаў Маконал у Сенаце перад галасаваннем па законапраекце, узгодненым заканадаўцамі дзвюх партый раней на гэтым тыдні.