Старшыня КНР Сі Цзіньпін накіраваў віншавальнае пасланне з нагоды адкрыцця Года абменаў СМІ КНР і АСЕАН-2019 у Пекіне. Сі Цзіньпін паказаў, што КНР і краіны АСЕАН звязваюць адносіны паміж людзьмі. Сяброўства паміж бакамі мае даўнія карані. У апошнія гады КНР і АСЕАН узмацнялі стратэгічныя кантакты, сумесна фарміравалі "Пояс і шлях", паглыблялі гуманітарныя абмены, належным чынам вырашалі рознагалоссі і забяспечвалі стабільнасць у рэгіёне. КНР і АСЕАН у сваіх адносінах ужо выйшлі на новы этап шматвектарнага развіцця.

Сі Цзіньпін падкрэсліў, што правядзенне Года абменаў СМІ КНР і АСЕАН -- важная мера ў рамках паглыблення двухбаковых адносін стратэгічнага партнёрства. СМІ выступаюць у якасці моста, які дазваляе разгортваць абмены і супрацоўніцтва і стымуляваць яднанне людзей. Кіраўнік КНР выказаў спадзяванне, што СМІ КНР і АСЕАН будуць распаўсюджваць інфармацыю аб дружалюбных кантактах бакоў, стымуляваць двухбаковае практычнае супрацоўніцтва і забяспечваць гарманічнае суіснаванне ўсіх краін АСЕАН. - Р -