Урад Японіі ў нядзелю правёў ўрачыстую цырымонію з нагоды 30-годдзя прабывання імператара Акіхіта на троне. На ёй прысутнічалі больш за тысячу прадстаўнікоў усіх колаў японскага грамадства, у тым ліку прэм'ер-міністр Сіндза Абэ.
Нагадаем, 85-гадовы Акіхіта адрачэцца ад прастолу 30 красавіка гэтага года, а 1 мая яго старэйшы сын - 59-гадовы наследны прынц Нарухіта стане новым імператарам Японіі.
У сваім выступленні на цырымоніі дзеючы манарх выказаў падзяку японскаму народу за падтрымку на працягу 30 гадоў.
Адзначым, што Акіхіта нарадзіўся 23 снежня 1933 года. Ён уступіў на прастол у 1989 годзе пасля скону яго бацькі імператара Хірахіта. У жніўні 2016 года Акіхіта заявіў, што яму ўжо цяжка выконваць абавязкі з-за сталага ўзросту.
У мае 2017 года кабінет міністраў Японіі прыняў адмысловы законапраект аб перадачы імператарам прастола спадкаемцу, у чэрвені законапраект быў ухвалены на сумесным пасяджэнні дзвюх палат японскага парламента. У снежні была абраная дата адрачэння Акіхіта ад прастолу- 30 красавіка 2019 года.